金融海潚，股市大跌，集資困難；銀行亦買入大量金融毒品，資本充足比率日日跌，有錢也不肯拆出。企業如果營業資金管理能力不足，很可能會周轉不靈。

.

歐美大衰退是人所共知的事實，不知的是他們的應對方法。有留意新聞的話，就知道美國的大型企業已經用到無計可施的下下策。買貨，兩個月後貨到就賴貨物質素有問題，開天殺價要求減價50%-70%，當然沒有人會同意，於是大家彊持。直到它手頭上的貨賣得七七八八，有信心去貨才要回你的貨；如果手上的貨銷路不好就要你退回去。不找數是因為你「質量」有問題，不影響他的信用評級；也有極高的靈活性，除非你懂美國法律和他打官司，否則完全是「公佢贏，字你輸」之局。現在已經沒有人肯承包出口美國QC 有關的保險，之前爆出的大陸廠倒閉潮在8-9月，明明是聖誕檔期，就算生意不好，為什麼連應收賬也不等就結業? 大家自己想想，世界上難道有這樣傻的人? 知不知道為什麼電腦展咁平，就是因為有大量貨運到美國，美國買家見勢色不對不肯提貨，廠家自己比錢將貨帶回來清。

這篇交本來寫於2個week 前，做Capital 份稿，一直都冇時間update出黎，剛剛見到新聞，強如利豐都比人走數，個客而家破產保護，要知道破產保護之後，係由美國法官決定邊d 數要找，邊d 唔駛找去保住間公司既operations。如果你認為外國supplier 在美國法官面前會有一個公平的排隊機會既話，恭喜你，有時有錢買不到快樂，但你一定是個樂天、知足、快樂既人。正所謂「一朝被蛇咬、十年怕草繩」，日本衰足20年，就是因為當時的人供樓要供3代，當30歲既人供樓供到60歲，發現層樓仲有70年先供完，梗係老馮都唔消費。美國本來依幾年係大量baby boomers 既退休年，班友saving rate 又低，d 錢買哂股票，仲借突層樓既錢去消費，美國政府就話可以印銀紙，這種age-liabilities mismatch 正在美國出現；我唔認為老百姓既消費力可以維持。陶冬說中國要衰多3年，匯豐剛說出口企業至少要5年先可以復甦，我自己比較傾向陶冬的睇法。但無論如何，我認為大量的出口股的估值並未反映大壞賬潮的到來。

到明天農歷年前，大量出口企業壞賬應會浮出水面。企業揸數人現在可做的，是緊追壞賬，和一個精細的cashflow rolling forecast。不要和我說跟街邊的分析員一樣用應收應付賬齡來推算，這些東西肯定會變，你怎估會變幾多? This is a matter of life or death! Please minimize your assumptions! 人家只有年報幾粒數，你手持大量數據，要求當然不同。至少要去到invoice level，和費用性質分類層面，自己去設excel 方式把這些東西併起來，有張單變了壞賬或某類費用(如減了人)估計改變，即可立時知道影響；看見有哪幾個月資金緊的，及早拖數/縮皮應對；或者預見bank loan renew 有難度，砌個無loan 版出黎睇有幾PK，然後睇下有邊個supplier 可以拖，有咩expenses/ 人可以cut，唔好比銀行一野KO。中小企唔做開budget/ forecast，可能開到有少少難度，但即管叫你個會計自己砌下，最key 即sales/ costs breakdown叫佢拆到invoice (& nature!) level, 然後幫佢做第一次assumption估下將來會點, 你有新既睇法，記住要通知佢，當有新一個月數時，其實每個月都係verify 緊你之前既睇法，forecast 唔update 就唔會準。記得要將cash 拆開兩part，一個係minimum buffer cash，一個係excess cash，要manage 到excess cash 唔係負，唔只係forecast cash 唔係負，唔係好易出事。 不過，中小企唔駛做consol，又唔會有一間公司做central bank 找哂全個 group 既數，已經簡單好多。大型企業既老闆，當然要一個consol cashflow forecast，記住要知邊d/幾多錢可以比group 既其他公司用，邊d 唔得，尢其係有MI果時。 另外值得一提既事，你比banker 知道你做早咁多野去manage cashflow，佢對你既信心都差好遠。

人就係得咁多，做得依樣就做唔得第二樣，依d 時候最緊要先解決你老闆既問題，唔係auditor 既問題，果d 無聊又對operations 冇影響既野，如deferred tax 等，就叫番auditor 做，你唔做就叫佢唔駛再做。不過做左咁多野，最重要的還是，邀請你老細每月給你半小時開cash meeting，你在老闆心中的可裁名單排位肯定大大降低。 

除了bad debt provision 之外，仲有樣野叫inventory net realizable value (NRV) provision，即係話當12月年結後你既出貨價X低過你手上存貨既成本既Y時候，佢覺得你另極都係將d 貨用X價賣出，賣一件蝕一件，所以手頭上既貨要做(Y-X)既provision，依個宜家好多行情都會發生，尢其係存貨水平高或毛利率低的，會計上好難搞，要睇下你點搞掂個auditor. 簡單d 講，在大撥備潮，profit margin %低於5%既公司唔好搞，無論係bad debt provision 或 inventory provision，你衰左一單就要做番20單先cover 到，唔好信咩鬼provision 係賬面數，佢之係提早反映你既bad debt或下跌的先利率，事實上出得announcement 既bad debt 都係討債還價的結果，仲係over 左auditor 既materiality (即係acceptable buffer) 既先會做，事實係每次撥備潮開始大部份做既provision 都唔會夠。