香港新浪網 MySinaBlog
« 上一篇 | 下一篇 »
會計仔 | 15th Jul 2007 | 財經 | (8653 Reads)
中國自動化集團 (569),下稱自動化,做緊急安全系統,是這輪十五隻新股中事前受到較少留意的一隻,但我卻認為是基本因素最好最抵的一隻,一睇已經好鍾意,抽唔到,上市當天入了兩注,平均$2.65.

中國自動化是中國最大的安全及緊急控制系統提供商,主要向石化、油氣及鐵路工業提供安全及緊急控制系統及相關工程及保養服務。集團的安全及緊急控制系統,包括ESD(緊急停車系統)、FGS(火災和氣體報警及控制系統)、ITCC(綜合渦輪及壓縮器控制)及RIS(鐵路聯鎖系統)。一般包括採購自供應商的硬件及自身開發的應用軟件及售予例如石化、油氣、鋼鐵及鐵路等行業的客戶。 根據Frost & Sullivan的資料,中國ESD、FGS及ITCC市場收益(2006至2010年) 的複合年增長率分別為34.7%、90.6%及23.8%.  主席稱公司最大的客戶是中石油及中石化,另外今年首5個月訂單數目較預期好。

先睇數,只睇最重要既野,單位 (RMBk):

                                              2004                  2005                  2006

  • 系統銷售收入               126671            183810            218380
  • 系統銷售分部利潤          40742 (32%)    48675 (26%)     69457 (32%)
  • 工程及保養服務收入        7809              26299              46067
  • 工程及保養服務利潤       1057(14%)     12130(46%)     32151 (70%)
  • 買賣設備收入                 30890              54247             24590
  • 買賣設備分部利潤           5,360 (17%)      5719(10%)     (1932) (-8%)
  • 總收入                         165370             264356           289039  
  • 總分部利潤                    47159 (28%)     66524 (25%)    99676 (34%)
  • 淨利潤                          35101 (21%)     45714 (17%)    68862 (24%)

成間公司的亮點就是工程及保養收入,用過軟件的人都知要比maintenance,在用戶角度,依舊係比左都唔知有咩用的錢,Hotline 又唔係成日打,有公司甚至會用熟了就唔再比maintenance,唔比唔得的收得貴就直情成間公司換左佢。

但在軟件公司角度,maintenance fee 就係最好賺的收入,又唔係好駛做野,多一個客成本增加好少。你見自動化的工程及保養收入增長幾強勁,成本在05-06年就好似跟本冇變過一樣。佢個生意特別,做的是緊急系統,平時跟本就冇用,養兵千日用在一朝,唔join maintenance? 咪玩... 所以個個客都會比maintenance,一上左賊船就由得你加價,這個maintenance fee 的性質就像供保險一樣,保費長收長有,每年搵番黎的新客都會令下年既maintenance fee 增加,但卻極少額外成本。在中國的通漲環境中更加著數,因為加價易,成本百份比低,相同的收入成本物價升幅會造成更加的盈利升幅,以06 年來說,maintenance fee 利潤已經佔總利潤的46.6%,這個百份比肯定會只漲不跌。自動化的maintenance fee income 包括定期現場視察及系統提升、零件更換以及為其系統進行現場定期或臨時保養服務,除了一個固定的數額之外,annual check,system upgrade (起碼Windows 升級一次都要再 upgrade 啦) 或者個市好,每幾年一次當你d staff 換到咁上下又要搵人去train,依d 都係錢,這些情況應該亦會繼續出現。

除了maintenance fee 之外,系統銷售收又如何? 各系統銷售2004 to 2006 毛利如下:

  • ITCC (綜合渦輪及壓縮器控制)                      -  23.4m, 34.3m, 49.8m
  • ESD& FGS (緊急停車、火災和氣體報警)      -  24.0m, 19.1m, 22.5m
  • RIS (鐵路聯鎖系統)                                     - 2.9m, 11.0m, 15.6m

ITCC: 毛利率穩定增長主要由於集團於市場上的領導地位及良好的市場環境。
中國石化、油氣行業的高速發展令競爭較不激烈、集團的技術水平可較其他業者更符合不同行業客戶的嚴格及特別要求。

ESD & FGS: 毛利與外資客多少有關,因為英文介面毛利較高

RIS : 鐵路行業的有利市場環境及客戶對RIS有較大需求,馬鋼新區鐵路線建立RIS系統,而該合約系統工程的50%已於二零零六年完成,集團的新一代RIS產品技術較先進,具有獨特性,並為中國RIS市場的先驅。鐵道部將投入人民幣15,000億元以上,為鐵路信號市場帶來龐大的發展機會。


[1]

果然快人, 我第一個來留言


[引用] | 作者 forever | 16th Jul 2007 | [舉報垃圾留言]

[2]

陳兄, 你是不是從事IT業的, 可否比d comment?


[引用] | 作者 會計仔 | 16th Jul 2007 | [舉報垃圾留言]

[3]

會計兄,

之前都話呢隻係好野來的, 自己就抽到2手. 唯一擔心是客戶群太少. 詳細的未有深入研究~特登來偷下師.


[引用] | 作者 forever | 16th Jul 2007 | [舉報垃圾留言]

[4]

通常呢類軟體的周期有5-10年. 期間的maintenance應該好和味. ~.~不過有些公司會用左2-3年之後, 就停左maintenance. 不過呢個問顯應該不會出現在自動化. 否則到時有意外, 無人夠膽負責任


[引用] | 作者 forever | 16th Jul 2007 | [舉報垃圾留言]

[5]

小弟對會計兄用"上賊船"依個 term 有非常大既感慨...

我想個問題係 D 巨無霸公司已經用左個系統, 同一間公司再買再 maintenance 必然有 discount. 這類系統既每年既 feature enhancement 都唔會多, upgrade cycle 好難同 M$ 比較...

買左個 system, 夠安全, 一般唔會再 upgrade. 除非 vender 話到明 end of cycle. 同時, 一齊 tech 佬唔會搞咁多野, 個 system 未有問題, don't fix it...如果 upgrade 有 bug 仲大鍋...

如果轉向中型企業打注意, 佢地未必 so 你...你睇下飛毛腿都可以燒廠...香港還好, 都有 D 安全意識, 大陸廠... 好難笱同...

都係吹下水, 有錯還望見諒...


[引用] | 作者 eric | 16th Jul 2007 | [舉報垃圾留言]

[6]

用I.T.角度去睇, 其實都係 15/16, 雖然話個System 複雜, 如果裝左就好難換第二套, 但最大問題係其他公司係咪真係覺得佢勁到如果出左事都係冇辦法?

如果Norton唔掂,我會揀TrendMicro或其他, 做I.T.唔可以話冇左呢套System就唔得,萬一真係依賴佢時,有起事上黎俾佢一鑊翹起就pk...


[引用] | 作者 Pocket PC | 16th Jul 2007 | [舉報垃圾留言]

[7]

Norton 你可以話換就換, 甚至不用把你公司的電腦暫停, 完全不影響公司運作; 但 ITCC, ESD, ... 可影響整個化工城和跨省鐵路系統, 要整條主要鐵路幹線停駛或全線減速, 涉及範圍極廣, 涉及大量鐵路/化工部門各層員工和 569 的技術人員參與.

除非這些系統接二連三出事, 若運行正常, 定期維修更新保養做足, 不信鐵路和化工那些大型國企管理層會隨便考慮更換服務供應商.


[引用] | 作者 gaubinfor | 16th Jul 2007 | [舉報垃圾留言]

[8]

其實可以睇九鐵做例,佢成q日都出事,然後拎高層祭旗


[引用] | 作者 Pocket PC | 16th Jul 2007 | [舉報垃圾留言]

[9]

太多IT 既野, 我就真係唔識, 用Norton 做 example 只係反映我既有限公司電腦知識.

但知道中國化工業好好景 (成品油除外), 你睇下果d 化纖成百倍PE... 不過我研究過, 果d 化纖香港既公司冇做, 係中石化中的proportion 又太細.

我覺得「卸鑊能力」就是569 的解決方案的要點中的要點,依樣野在中國是無敵的優勢, 因為買家買既時候係不計價的.


[引用] | 作者 會計仔 | 16th Jul 2007 | [舉報垃圾留言]

[10]

小弟成日覺得 D IT 野成日比到其他人美麗的誤會...

BTW, 今日上海單野你地覺唔覺得有真係會有人會人頭落地, extract from Mingpao:

"新華社引述上海地鐵運營有限公司表示,當時,列車蜂鳴器與屏蔽門燈光已經發出警示,列車即將開動。在這種情況下,該名乘客仍強行上車,由於車內擁擠,他未能擠進車廂。

這時,屏蔽門已經關閉,列車正常啟動,這名男子遂被擠壓墜落隧道。"

香港既地鐵如果出依 D 問題, 唔好講話死, 傷都陪到仆....


[引用] | 作者 eric | 16th Jul 2007 | [舉報垃圾留言]

Next