香港新浪網 MySinaBlog
« 上一篇 | 下一篇 »
會計仔 | 15th Jul 2007 | 財經 | (9767 Reads)

之前提過,新客上左賊船之後年年都要比維護費,而且好難轉去第間,但各企業老總和鐵路局官員會唔會好心有不甘呢?

第一,中國政府對工業安全的要求不斷提高,不斷有新的國家法律和行業標準可見一班,自動化從事的大型石油、石化、化學及鐵路公司一出事就好大鑊。20031223日,四川發生噴井特大事故,死亡人數243人,傷者不計其數。20044月,中石油前老總馬富才引咎辭職,負責安全的副總經理記大過。原因是根據《國務院關於特大安全事故行政責任追究的規定》,地方人民政府主要領導人和政府有關部門正職負責人對特大安全事故的防範及發生,有失職、瀆職情形或者負有領導責任的,依照《规定》给予行政處分;構成玩忽職守罪或者其他犯罪的,依法追究刑事責任。馬富才當然唔會理到一個礦井的安全這些小事,但只要下面的人犯錯,就足夠令最上者(政府有關部門正職負責人「或者負有領導責任的」丟官查辦。

之前講過中國的CRH 用了法國阿爾斯通、日本川崎重工、加拿大龐巴迪三家。大家都知道內地人好仇日,選用日貨唔用中華之星曾在大陸互聯網引起好大迴響,內地網民更將CRH (China Railway Highspeed) 叫成恥辱號列車,貪其拼音一樣。如果在日本車上死一個人,引起的民俗情仇問題將會令鐵路局極麻煩,這是沒有人想見到的。

好多人都知我好鍾意在行業有技術優勢的公司,貪其高技術可作為門檻。根據招股書,自動化是中國在石化、油氣、鋼鐵、化工這些行業緊急系統的超級龍頭,市場佔有率有68%,市場第二果間有8%,第三果間7%。佢的系統原件並不是自製的,是從英國Invensys 買的Triconex產品,據聞技術上國際知名。
   
但是Invensys會不會收番來自己做呢? 我想機會唔大。第一,它打算2009年建成一座新的大樓,把可產系統數增至500套,2006年銷出200套,如果有重大不確定因素應該唔會咁做。第二,和其他裝備製造業不同,招股書已說明這些系統基本上套套都不同,個個客都要加點tailor made 既野,需要了解中國的人用中文和客戶開大量既會,外國公司好難自己做;iii) 自動化已和中石油、中石化、鐵路局等大客建立良好關係,這些關係相當值錢;iv) Invensys 經常判中東和新加坡的工程比自動化做,可見關係不錯。
   
但它的最大門檻、並不是來自技術、而是來自市場佔有率。因為我們看的不是技術優勢,而是為客戶提供的解決方案和其他競爭者的相對優勢。大家試想想,鐵路局官員是官,國企老總其實也是官,坦白說,他們最終關心的並不是安全,而是需不需要''鑊。如果出了重大安全事故,就算不用革職查辦也仕途無望,這才是他們真正關心的。如果不是重大事故,而是中小型事故呢? 由於沒有群眾壓力,灰色地帶就多好多。這就看看你是不是有防範準備。
  
舉過例,想像下你是從事IT業,你間公司中左毒,如果你完全冇裝Anti- virus,咁就一定死得;如果你裝左隻平價港貨,可能佢未必會差過外國野,但恐怕你也會比人責難。但如果你裝左隻Norton Antivirus,你老細好有可能會想你可做的都足了,只是隻virus 太勁,今次係死於不幸。道理就在這裡,關鍵就是出事時的卸鑊能力,這些安全野,市場上最多人用果隻,或技術上公認最高果隻,出事時的卸鑊能力肯定係最高。官員對卸鑊能力的考慮,往往比價錢看得重十倍,所以就算maintenance fee 幾高都會join maintenance,而且唔會轉。當牽涉到卸鑊能力,決策者對價格的敏感度是極低的。官場保烏紗、卸鑊這是人性和民俗性使然,數千年如出一轍,這是超越任何經濟周期、超越年代、超越時空的。
另外,由於佢係做安全既野,根本冇效益可言,這可以另佢叫價提高。點解? 因為所以大公司買大額固定資產時都會叫我地依d 財會人只去做cost - benefit analysis,計下IRR,NPV 之類,就算隻野幾好,工程部門幾推介,如果計出黎回報太低,都會好難買落去。如果真係要買的就會迫供應商減價。安全野由於冇benefit 可做,財務部完全冇聲出,完全由工程部話事,對成交價絕對係好事。
   
如果我是國企老總,我真係唔會覺得係比人屈,以2006年銷售200套銷售額218 m計,每套才100萬多點,以一間鋼廠或化工廠以億、十億計,跟本就唔係錢,依d 涉及國家政策,又涉及我頂烏紗既野,當然是(用公家錢)買龍頭果間,抵到爛。
   
官場卸鑊用品,從來都是暴利行業,君不見香港那些醫療融資、道路收費系統那些垃圾研究報告,份份都過千萬,真係睇到火都黎埋。收得咁貴,正是因為公務員對這些卸鑊用品的極低需求彈性,坦白講,依d 野收得平反而冇人信吧。

[1]

Extracted from 569's accountants' report :

http://main.ednews.hk/listedco/listconews/sehk/20070628/00569_175325/CWP124_c.pdf

Trade and notes receivable / Turnover / Net cash inflow from operating activities :

As at 31 Dec / year ended 31 Dec

04 = 42.6m / 165.4m / 16.5m
05 = 68.3m / 264.4m / 33.4m
06 = 109.1m / 289.0m / 18.1m

Though major clients are the biggest players in petrochem and rail industries , need pay attention on its trade debt recoverability ?


[引用] | 作者 港燦 | 16th Jul 2007 | [舉報垃圾留言]

[2]

燦媽 , a "rail concept" follower , bought some 株洲南車 (3898) and 廣深鐵路 (525) at early March, certainly profit making.

Would u advise her to take profit on both stocks and shift to hold 569 now?


[引用] | 作者 港燦 | 16th Jul 2007 | [舉報垃圾留言]

[3]

原來會計兄都睇好 #569, 我入左第一注,準備加碼中. e 隻野公眾持股量只有200m貨, 第一日成交~177m, 第二日~62m, 貨源可能已經歸邊.3元樓下的日子應該不會長.

e 間公司size細,風險承受力會比較差, 但當然可增長空間也較大.

呀...仲有...入超過40m貨記得申報~~ ^^b


[引用] | 作者 JKFM | 16th Jul 2007 | [舉報垃圾留言]

[4]

燦兄,

Long time no see! 我會suggest 佢先沽出, 因為佢12月發左6成新股, 中期冇60% increase 就係EPS 倒退, 你睇番佢prospectus p27

http://main.ednews.hk/listedco/listconews/sehk/20061208/03898/CWP127_c.pdf

佢上半年既sales 比下半年多, 佢又話capacity near peaked, 所以d growth 可能集中在下半年, 上半年既growth 未必有6成既話就會EPS 倒退.

要買就2008之前先買, 因為佢新廠起好, 而且上左金蝶ERP, 我相信對佢既cost 有好大幫助, 點解呢? 因為南車四方已成為金蝶ERP selling book 示範企業之一, 有同系公司的良好經驗, 即係話佢應該唔會選錯ERP, 我地可以expect 佢好benefit from ERP driven cost cutting.

http://www.kingdee.com/pub/article.do?method=view&articleId=f11e0844-010f-1000-e000-0006ca688bec&columnId=134215302&articleType=1

依隻株州南車, 我花左好多時間落去睇, 招股書真係寫得好吸引, 但就隱瞞左中華之星試車出煙的事實.

and 燦兄, 可否send 個email 比我呢, 我第時有咩唔識都可以問你, 你是我偶像呀!
valueinbooks@yahoo.com

To JKFM :

我邊有40m? 40k 我就有


[引用] | 作者 會計仔 | 16th Jul 2007 | [舉報垃圾留言]

[5] Re:
港燦 :
Extracted from 569's accountants' report :
http://main.ednews.hk/listedco/listconews/sehk/20070628/00569_175325/CWP124_c.pdf
Trade and notes receivable / Turnover / Net cash inflow from operating activities :
As at 31 Dec / year ended 31 Dec
04 = 42.6m / 165.4m / 16.5m05 = 68.3m / 264.4m / 33.4m06 = 109.1m / 289.0m / 18.1m
Though major clients are the biggest players in petrochem and rail industries , need pay attention on its trade debt recoverability ?

依d 我真係唔擔心bo, 依d 野唔比錢冇support 一定冇用


[引用] | 作者 會計仔 | 16th Jul 2007 | [舉報垃圾留言]

[6]

呢篇我好認同,正如我師傅話過「天變地變人性不變」。

我都有入飛抽,但無用孖展,抽唔到。之後一上市都心思思追唔追,議而不決。最後諗住,遲d攤凍d隻股無咁火熱可以平d入,但可能因為沒會計兄咁果斷,失去了最好的機會了。


[引用] | 作者 大石 | 17th Jul 2007 | [舉報垃圾留言]

[7]

另 外,由於佢係做安全既野,根本冇效益可言,這可以另佢叫價提高。點解? ...。安全野由於冇benefit 可做,財務部完全冇聲出,完全由工程部話事,對成交價絕對係好事。

 我自己在一家外資做自動化的公司度做, 接觸到國內及國外的client.會計仔上面講的放在國外大概正確, 但在國內遊戲不是這樣玩的

國內的自動化軟件行業利錢很低,大部分公司做project 都要蝕錢, 主要賺的都是要靠完成後做maintenance . 但好多時client 都用盡方法拖數,同屈加新功能, 國內有個大城市最近開的一條地鐵綫在建造時就有好幾家公司拖到周轉不靈清盤.而且軟件公司夾在客戶(如地鐵/鐵路公司)及設計(通常為設計院)之間, 非常被動, 常常被客戶以換廠家要脅, 所以十分難做. 而且投標方式通常以價低者得, 有很多廠家為拿佔有率, 會以低於成本價投標, 變得愈做愈爛.

最後想講一個潛在問題, 自動化軟件屬於安全範疇, 但通常設計都沒有考慮自身的保安, 那是恐怖襲擊的一個缺口, 如果被利用造成傷亡, 軟件公司可能會被控告. 這都是不利自動化軟件產業的因素, 是外人單看招股書看不出來的.


[引用] | 作者 fh | 17th Jul 2007 | [舉報垃圾留言]

[8]
fh :
另 外,由於佢係做安全既野,根本冇效益可言,這可以另佢叫價提高。點解? ...。安全野由於冇benefit 可做,財務部完全冇聲出,完全由工程部話事,對成交價絕對係好事。
 我自己在一家外資做自動化的公司度做, 接觸到國內及國外的client.會計仔上面講的放在國外大概正確, 但在國內遊戲不是這樣玩的
國內的自動化軟件行業利錢很低,大部分公司做project 都要蝕錢, 主要賺的都是要靠完成後做maintenance . 但好多時client 都用盡方法拖數,同屈加新功能, 國內有個大城市最近開的一條地鐵綫在建造時就有好幾家公司拖到周轉不靈清盤.而且軟件公司夾在客戶(如地鐵/鐵路公司)及設計(通常為設計院)之間, 非常被動, 常常被客戶以換廠家要脅, 所以十分難做. 而且投標方式通常以價低者得, 有很多廠家為拿佔有率, 會以低於成本價投標, 變得愈做愈爛.
最後想講一個潛在問題, 自動化軟件屬於安全範疇, 但通常設計都沒有考慮自身的保安, 那是恐怖襲擊的一個缺口, 如果被利用造成傷亡, 軟件公司可能會被控告. 這都是不利自動化軟件產業的因素, 是外人單看招股書看不出來的.

請教: 你說的自動化行業, 是否安全行業?

株州南車都有嚴重被拖數既問題, 依個我再研究下先

恐怖襲擊既問題, 太remote 了, 唔驚得咁多


[引用] | 作者 會計仔 | 17th Jul 2007 | [舉報垃圾留言]

[9]

據我所知被拖垮的廠家, 例如有做FAS 火災報警系統 / EMCS 機電管理系統的: 鐵路的火災及機電管理 - 你看是不是安全行業?

其中火災管理系統尤為混亂, 除要通過客戶驗收外又要加上消防巡檢, 加上各省各市的消防例都有出入, 每件產品都不知有多少枱底交易才拿到錢.

給你一條link
http://big5.xinhuanet.com/gate/big5/news.xinhuanet.com/fortune/2003-03/28/content_803468.htm
廣州地鐵1號綫是全外資建造的, 建成後覺得很貴, 2號綫開始就要落實80%以上國產比率. 設備比1號綫更為先進, 單看宣傳文件會覺得好像是因為國產化後人工低了所以造價又低了, 但其實很多部件還是要海外進口, 80%國產化的數字只是造出來的. 於是省出來的錢就要從不易估值的地方著手, 就是軟件要有多便宜買多便宜了.


[引用] | 作者 fh | 17th Jul 2007 | [舉報垃圾留言]

[10]

再一條link
http://www.ycwb.com/big5/content/2006-03/28/content_1095229.htm

在世界其他地方的地鐵不會容許這種東西發生的, 閘機是鐵路系統的命脈, 改錯了收多了錢會有人投訴, 收少了錢地鐵公司會有重大損失. 但國內就是可以容許這樣, 明明廠家沒有把技術轉讓, 有人施自改動軟/硬件(看起來)成功就成為了上報紙的英雄?

這是系統maintenance 收費的一個不利因素, 如果大家都這樣自己改, 還有誰會用maintenance 服務?


[引用] | 作者 fh | 17th Jul 2007 | [舉報垃圾留言]

Next